Joe Foster het verskillende gesigte ‘ontmasker’ in nuwe video

Almal dra maskers – ’n geforseerde glimlag is seker een van die bekendstes. Ons steek graag weg wie ons werklik is en wat ons voel. Niemand wil hê die wereld moet hulle swakheid sien nie.

Dit was juis die idee agter Joe Foster nuwe musiekvideo, vir die snit, Look Away. “Om al hierdie emosies en gevoelens wat mens deurgaan in ’n moeilike tyd, vas te vang op my gesig in karakters, kleur, en maskers, terwyl ek emosieloos voor my uitstaar. Die maskers praat dus oor wat ek binne voel en kontrasteer dit wie ek eintlik is,” vertel Joe.

Die storielyn speel af in ’n gerieflike studio in Honeydew. Dit is hier waar die ongelooflike film span, Silo Art Motion Skills en Creative Chaos grimeerkunstenaar bymekaar kom om jou op ’n reis van gevoelens te neem.

Die toerusting en kamera tegnologie van Gerrie Janse van Vuuren en Rick Joachim was eerste klas en natuurlik die belangrikste persoon van die dag, Carmen Kruger met haar spesiale effekte grimering. Met ’n tikkie swart van die agtergrond, sorg die musiekvideo vir ’n visuele fees.

Joe wil graag hê mense moet deur die video onthou dat ons maar mens mag wees. Al wil ons so graag alles die heeltyd bymekaar hê. Soms is dit nodig om “weg te kyk” en vir ’n oomblik net te breek en in stukke te val. Mense is gemaak om te voel, en ja dit kan ongemaklik wees maar om dit in te laat is die enigste manier hoe jy van jou masker/s ontslae kan raak.

“Gevoelens is nie jou vyand nie. Dit help jou eintlik jouself vind as jy dit sal toelaat.”

Joe is baie positief oor sy nuutste vrystelling en die sukses daarvan. Look Away is alreeds aan die top van verskeie ranglyste en doen baie goed vir dié veelsydige sanger en liedjieskrywer. Die musievideo sal teen die einde van Arpil vrygestel word.

Luister hier na die liedjie wat hy ‘n video gaan van maak:- Joe Foster – “Look away”

Enjoyed this post? Share it!

 

Leave a comment

This site uses Akismet to reduce spam. Learn how your comment data is processed.